زابل؛ مرکز قلات ښار کې د ۲۴ ورزشکارانو تر منځ د ووشو سیالۍ ترسره شوې
د زابل ولايت د بدني روزنې او ورزش امريت اړوند د ووشو ملي فدراسيون د استازولۍ له لوري د ياد ولايت په مرکز قلات ښار کې د درې کلبونو د ۲۴ ورزشکارانو ترمنځ د ووشو سيالۍ ترسره شو.
دغه سيالۍ، د نويو ځوانانو، ځوانانو او لويانو په عمري کټګوريو کې د استاد عتیق الله، استاد خليل احمد او استاد ارشاد د کلبونو ورزشکارانو ترمنځ ترسره شوې، چې په پايله کې د ځوانانو په عمري کټګوري کې د استاد ارشاد د کلب ورزشکارانو لومړی مقام ترلاسه کړ او د ځوانانو او لويانو په عمري کټګوريو کې د استاد عتیق الله د کلب ورزشکارانو لومړي مقامونه خپل کړل.
د يادو سياليو موخه د ورزشکارانو ترمنځ د يووالی رامنځته کول و، چې دوه ورځې دوام یې وکړ او په پای کې غوره ورزشکارانو ته مډالونه او ستاينليکونه ورکول شول.
