کندز؛ په قلعه زال ولسوالۍ کې د شپږو لوبډلو ترمنځ د واليبال سيالۍ وشوې
د کندز ولايت د بدني روزنې او سپورټ رياست اړوند د واليبال فدراسیون د استازولۍ له لوري د ياد ولايت په قلعه زال ولسوالۍ کې د شپږو لوبډلو ترمنځ د والیبال سيالۍ وشوې.
د دغو سياليو په پايلوبه کې د کندز مرکز لوبډلې خپلې سیالې قاري حسن لوبډلې ته د۲۵/۱۶ نومرو په توپير سره ماتې ورکړه او اتلولي يې وګټله.
د يادو سياليو موخه ورزش ته د ځوانانو هڅول وو، چې يوه شپه يې دوام وکړ.
