ننګرهار؛ روداتو ولسوالۍ کې د پنځو لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولایت په روداتو ولسوالۍ کې د پنځو لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د سپین غر او اېلېون سټار لوبډلو ترمنځ ترسره شوه. د لوبې پچه اېلېون سټار لوبډلې وګټله او لومړی یې توپوهنه وکړه، چې په ټاکلو اتو اورونو کې یې د دوو ویکټو په زیان خپلې سیالې لوبډلې ته د ٨٥ منډو هدف وټاکه. سپین غر لوبډلې د هدف په تعقیب کې د شپږو ویکټو په زیان ٧٤ منډې وکړې او د لسو منډو په توپیر یې لوبه وبایلله.
دا سیالۍ د ځوانانو لپاره د سالمې تفرېح برابرولو په موخه پیل شوي دي، چې دوې میاشتې به دوام وکړي.
