لوگر؛ پيروزي لوبډلې د اختریز جام په نوم د فوټسال سياليو اتلولي وگټله
د لوگر ولايت د بدني روزنې او ورزش آمريت اړوند د فوټبال فدراسیون د استازولۍ له لوري د مرکز پل علم ښار په لودين جمنازيوم کې د ياد ولايت په کچه د لسو لوبډلو ترمنځ د فوټسال سيالۍ، چې دوې مياشتې مخکې پيل شوې وې، د پيروزي لوبډلې په اتلولۍ پای ته ورسېدې.
د يادو سیالیو په پایلوبه کې پيروزي لوبډلې خپلې سيالې لوگر شيران سنگ شکن لوبډلې ته د ۸ پر ۷ گولونو په توپير ماتې ورکړه او اتلولي يې په خپل نوم کړه.
د ويلو وړ ده، چې د دغو سياليو په پای کې د ياد ولايت د ورزش آمريت له لوري لوبډلو ته کپونه، مډالونه، ستاينليکونه او ورزشي توکي ورکړل شول.
