ننګرهار؛ په خوږیاڼو ولسوالۍ کې د ۲۶ لوبډلو ترمنځ د ټېپ بال کرېکټ سيالۍ پيل شوې
د ننګرهار ولایت د بدني روزنې او ورزش رياست اړوند د ټېپ بال کرېکټ فدراسيون د استازولۍ له لوري د ياد ولايت په خوږیاڼو ولسوالۍ کې د ۲۶ لوبډلو ترمنځ د ټېپ بال کرېکټ سيالۍ د شاهدالله لوبډلې په بريا سره پيل شوې.
د دغو سياليو لومړۍ لوبه د شاهدالله او خان اغا سورډاګ لوبډلو ترمنځ ترسره شوه، خان اغا سورډاګ لوبډلې د پچې په ګټلو سره د توپ وهنې پرېکړه وکړه، چې په ټاکلو ۱۲ اورونو کې د شپږو لوبغاړو په سوځېدو سره مقابلې لوبډلې ته د ۱۲۹ منډو هدف وټاکه. په ځواب کې د شاهدالله لوبډلې ټاکل شوې هدف د لوبې په وروستي اور کې د څلورو لوبغاړو په سوځېدو سره پوره کړ او لوبه یې د شپږو ويکټو په توپير سره وګټله.
د يادو سياليو موخه له نظام څخه ملاټر او يووالی دی، چې يوه مياشت به دوام وکړي.
