غزني؛ جغتو ولسوالۍ کې د فوټبال سیالۍ د حیدرا سراب لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په جغتو ولسوالۍ کې د کوچني اختر د نمانځلو په موخه د ۱۲ لوبډلو ترمنځ د فوټبال سیالۍ د حیدرا سراب لوبډلې په اتلولۍ پای ته ورسېدې.
د دغو سیالیو په پایلوبه کې حیدرا سراب لوبډلې خپلې سیالې اتحاد سادات فقیر شاه لوبډلې ته د ۲/۱ ګولونو په توپير ماتې ورکړه او اتلولي یې خپله کړه.
د یادو سیالیو موخه د لوبغاړو ترمنځ یووالی رامنځته کول او د کوچني اختر نمانځل و، چې یوه اونۍ یې دوام وکړ.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته کپ او مډالونه ورکړل شول.
