پکتیا؛ روحاني بابا ولسوالۍ کې د پنځوس ورزشکارانو ترمنځ د نېزه وهنې سیالۍ ترسره شوې
د پکتیا ولایت د بدني روزنې او ورزش ریاست اړوند د نېزه وهنې فدراسیون د استازولۍ له لوري د یاد ولایت په روحاني بابا ولسوالۍ کې د ۵۰ ورزشکارانو ترمنځ د نېزه وهنې اختریزې سیالۍ ترسره شوې.
دغه سیالۍ په لاین، سینګل او سیکشن برخو کې ترسره شوې، چې په پایله کې یې حاجي ستار، غلام نبي او حکمران لوبډلو اول، دویم او درېیم مقامونه خپل کړل.
دغه لوبې د نېزه وهنې ورزش ته د ودې ورکولو او د سیمې ځوانانو لپاره د سالمې تفرېح برابرولو په موخه ترسره شوې، چې یوه ورځ یې دوام وکړ.
