هلمند؛ ناد علي ولسوالۍ کې د لسو لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په ناد علي ولسوالۍ کې د لسو لوبډلو ترمنځ د ټېپ بال کرېکټ سیالۍ د سلطان نورزي لوبډلې په اتلولي پای ته ورسېدې.
د یادو سیالیو پایلوبه د سلطان نورزي او محمد خان لېسې لوبډلو ترمنځ ترسره شوه. د لوبې پچه محمد خان لېسې لوبډلې وګټله او لومړی یې توپوهنه وکړه، چې په ټاکلو ١٢ اورونو کې یې خپلې سیالې لوبډلې ته د ١٩٥ منډو هدف وټاکه. سلطان نورزي لوبډلې ټاکلی هدف د څلورو ویکټو په زیان د لوبې په وروستي اور کې ترلاسه کړ او د شپږو ویکټو په توپیر یې د دغو سیالیو اتلولي وګټله.
دا سیالۍ ورزش ته د ځوانانو د هڅولو په موخه ترسره شوې، چې یوه میاشت یې دوام وکړ
