ننګرهار؛ مرکز جلال آباد ښار کې د ٢٠ ورزشکارانو ترمنځ د سوک وهنې سیالۍ ترسره شوې
د ننګرهار ولایت د بدني روزنې او ورزش ریاست اړوند د سوک وهنې فدراسیون د استازولۍ له لوري د ياد ولايت مرکز جلال آباد ښار کې د ٢٠ ورزشکارانو ترمنځ د سوک وهنې سیالۍ ترسره شوې.
دا سیالۍ د تنکیو ځوانانو، نویو ځوانانو، ځوانانو او مشرانو ورزشکاران په عمري کټګوریو کې ترسره شوې، چې په پایله کې یې لسو تنو خپلو سیالانو ته په ماتې ورکولو سره بریاوې خپلې کړې.
يادې سیالۍ د بیت ال.مقدس نړۍوالې ورځې د نمانځلو په موخه ترسره شوې او په پای کې ګټونکو ورزشکارانو ته ستاینلیکونه او ورزشي دستکشونه ورکړل شول.
