ننگرهار کې د ۱۲ لوبډلو ترمنځ د رمضان جام په نوم د فوټسال سيالۍ پای ته ورسېدې
د ننگرهار ولايت د بدني روزنې او ورزش رياست اړوند د فوټبال فدراسيون د استازولۍ له لوري د مرکز جلال آباد ښار په سراج العمارت بڼ کې د ۱۲ لوبډلو ترمنځ د رمضان جام په نوم د فوټسال سيالۍ پای ته ورسېدې.
د يادو سياليو پايلوبه د پامير او ځوانانو رڼا لوبډلو ترمنځ ترسره شوه، چې په ټاکلي وخت سيالۍ مساوي پای ته ورسېده، خو د وخت د کمښت له امله او د فوټسال کمېټې د پرېکړې په اساس پامیر لوبډلې ته چې په ياد جام کې يې له نورو لوبډلو څخه ښه وړتيا ښودلی وه د اتلولۍ جام ورکړل شو.
د يادولو وړ ده، چې د دغو سیالیو ۱۵ ورځې دوام وکړ.
