پکتیا کې د ۲۲ ورزشکارانو ترمنځ د کيک جیتسو سبک دوستانه سيالۍ ترسره شوې
د پکتیا ولایت د بدني روزنې او ورزش ریاست اړوند د رزمي ورزشونو فدراسیون د استازولۍ له لوري د یاد ولایت مرکز ګردېز ښار اړوند د استاد نجيب درمان ورزشي کلب کې د ۲۲ ورزشکارانو ترمنځ د رمضان جام په نوم د کيک جیتسو سبک شپنۍ دوستانه سیالۍ ترسره شوې.
د غه سيالۍ د نویو ځوانانو، ځوانانو او لويانو په عمري کټګوریو کې ترسره شوې، چې په پايله کې ۱۱ ورزشکارانو خپلو سيالانو ته په ماتې ورکولو سره برياوې خپلې کړې.
د يادو سياليو موخه د ورزشکارانو ترمنځ د يووالي رامنځته کول وو ، چې يوه شپه يې دوام وکړ او په پای کې غوره ورزشکارانو ته ستاينليکونه ورکړل شول.
