هلمند؛ په مرکز لښکرګاه ښار کې د ۱۴ لوبډلو ترمنځ د فوټبال شپنۍ سیالۍ پیل سوې
د هلمند ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د ياد ولايت مرکز اړوند لسمه حوزه کې د رمضان جام په نوم د ۱۴ لوبډلو ترمنځ د فوټبال ګروپي شپنۍ سیالۍ پیل شوې.
د دغو سياليو په لومړۍ لوبه کې برادران لوبډلې خپلې سیالې بارکزو ځوانانو لوبډلې ته د ۴/۰ ګولونو په توپير سره ماتې ورکړه او بريايې وګټله.
د يادو سياليو موخه ځوانانو ته د سالمې تفريح برابرول دي، چې د روژې مبارکې میاشتې تر ۲۰ پورې به دوام وکړي.
