ننگرهار کې د ۷۰ ورزشکارانو ترمنځ د سوک وهنې سيالۍ وشوې
د ننگرهار ولايت د بدني روزنې او ورزش رياست اړوند د سوک وهنې فدراسيون د استازولۍ له لوري د مرکز جلال آباد ښار په پنځمه ناحیه کې د ۱۵ کلبونو د ۷۰ ورزشکارانو ترمنځ د سوک وهنې سيالۍ وشوې.
دغه سيالۍ، چې د ماشومانو، نويو ځوانانو، ځوانانو او لويانو ورزشکارانو په عمري کټگوريو کې ترسره شوې، په پايله کې افغان صافي کلب د ۱۰ برياوو سره لومړی، اسماعيل زي کلب د ۸ برياوو سره دويم او افغان انصاب کلب بيا د ۶ برياوو سره درېيم مقام ترلاسه کړ.
د يادو سياليو موخه ورزش ته د ځوانانو هڅول وو، چې يوه ورځ يې دوام وکړ.
