بادغيس کې د ۳۰ ورزشکارانو ترمنځ د فول رزم پنځم پړاو آماتور سيالۍ وشوې
د بادغيس ولايت د بدني روزنې او ورزش امريت اړوند د فول رزم فدراسيون د استازولۍ له لوري د ياد ولايت په مرکز قلعه نو ښار کې د ۳۰ ورزشکارانو ترمنځ د فول رزم پنځم پړاو آماتور سيالۍ وشوې.
دغه سيالۍ، چې يوه ورځ يې دوام وکړ، په پايله کې ۱۵ تنو ورزشکارانو خپلو سيالانو ته په ماتې ورکولو سره برياوې خپلې کړې.
د يادولو وړ ده، چې د دغو سياليو موخه په يادې رشتې کې د غوره ورزشکارانو موندل وو او په پای کې غوره ورزشکارانو ته کپونه، مډالونه، کمربندونه او نغدي ډالۍ ورکړل شوې.
