خوست؛ په تريزيو عليشيرو ولسوالۍ کې د ۹۸ لوبډلو ترمنځ د ټېپ بال کرېکټ سيالۍ پای ته ورسېدې
د خوست ولایت د بدن روزنې او ورزش امريت اړوند د ټېب بال کرېکټ فدراسيون د استازولۍ له لوري د ياد ولايت د تريزيو عليشيرو ولسوالۍ په اتفاق لوبغالي کې د ۹۶ لوبډلو ترمنځ د ټېپ بال کرېکټ سيالۍ د عليشيرو للمې ټايګر لوبډلې په اتلولۍ پای ته ورسېدې.
د دغو سياليو پايلوبه د کنډيو صحرا بازانو او د عليشيرو للمې ټايګر لوبډلو ترمنځ ترسره شوه، د عليشيرو للمې ټايګر لوبډلې د پچې په ګټلو سره د توپ وهنې پرېکړه وکړه، چې په ټاکلو نهو اورونو کې د سپږو لوبغاړو په سوځېدو سره مقابلې لوبډلې ته د ۱۷۱ منډو هدف وټاکه. په ځواب کې د کنډيو صحرا بازانو لوبډلې په نهو اورونو کې د اووه لوبغاړو په سوځېدو سره ۱۵۹ منډې جوړې کړي او لوبه يې د ۱۱ منډو په توپير سره وبايلله.
د يادو سياليو موخه ورزش ته د ځوانانو هڅول و، چې درې نيمې مياشتې دوام وکړ او په پای کې ګټونکي لوبډلې ته يو غرده موټرسايکل ورکړل شو.
