پکتیا کې د ۵۰ ورزشکارانو ترمنځ د او-سپورټ سیالۍ ترسره شوې
د پکتیا ولایت د بدني روزنې او ورزش ریاست اړوند د رزمي ورزشونو فدراسیون د استازولۍ له لوري د یاد ولایت مرکز ګردېز ښار کې د ۵۰ ورزشکارانو ترمنځ د رزمي ورزشونو د او-سپورت سبک دوستانه سیالۍ ترسره شوې.
په دغو سیالیو کې د نویو ځوانانو، ځوانانو او مشرانو په عمري کټګوریو کې ورزشکارانو ګډون کړی و، چې ۲۵ تنو یې یو بل ته په ماتې ورکولو سره بریاوې خپلې کړې.
دا سیالۍ د ورزشکارانو ترمنځ د یووالي په موخه ترسره شوې، چې یوه ورځ یې دوام وکړ او په پای کې ګټونکو ورزشکارانو ته بری لیکونه او ستاینلیکونه ورکړل شول.
