پکتيا کې د ۵۰ ورزشکارانو ترمنځ د سامبو کورش سيالۍ وشوې
د پکتیا ولایت د بدني روزنې او ورزش رياست اړوند د سامبو کورش فدراسيون د استازولۍ له لوري د ياد ولايت په مرکز گردېز ښار کې د ۵۰ ورزشکارانو ترمنځ د نويو ځوانانو، ځوانانو او لويانو په عمري کټگوريو کې د سامبو کورش دوستانه سیالۍ وشوې.
په يادو سياليو کې له مرکز او ولسوالیو څخه ورزشکارانو گډون کړی وو، چې په پايله کې يې ۲۵ تنو ورزشکارانو خپلو سيالانو ته په ماتې ورکولو سره برياوې خپلې کړې.
د يادولو وړ ده، چې د دغو سياليو يوه ورځ دوام وکړ او په پای کې گټونکو ورزشکارانو ته د اتلولۍ حکمونه او چمتو شوې ډالۍ وکړل شوې.
