ارزګان؛ مرکز ترینکوټ کې د اتو لوبډلو ترمنځ د واليبال سيالۍ پيل شوې
د ارزګان ولایت د بدني روزنې او ورزش امريت اړوند د واليبال فدراسيون د استازولۍ له لوري د ياد ولايت په مرکز ترينکوټ کې له مرکز او ولسوالیو څخه د اتو لوبډلو ترمنځ د واليبال سيالۍ پيل شوې.
د دغو سياليو په لومړۍ لوبه کې مرکز الف لوبډلې خپلې سيالې دهراود لوبډلې ته د ۲ /۳ ميدانونو په توپير ماتې ورکړه او لومړۍ بريايې خپله کړه.
د يادو سياليو موخه د واليبال ورزش ته د ځوانانو هڅول دي، چې څلور ورځې به دوام وکړي.
