خوست؛ په مرکز متون ښار کې د ۳۴ لوبډلو ترمنځ د ټېپ بال کرکټ سیالۍ پای ته ورسېدې
د خوست ولایت مرکز اړوند متون کې د ۳۴ لوبډلو ترمنځ د ټېپ بال کرکټ سیالۍ چې یوه نیمه میاشت وړاندې پیل شوې وې د حاجي ولي محمد لوبډلې په اتلولۍ پای ته ورسېدې.
د دغو سیالیو پایلوبه د حاجي ولي محمد او لاغوړي پیرانو لوبډلو ترمنځ ترسره شوه، لومړی توپوهنه لاغوړي پیرانو لوبډلې وکړه او ټاکلو اتو اورونو کې یې د شپږو لوبغاړو په زیان ۱۰۶ منډې هدف کېښود، د لوبې په دویمه پاڼۍ کې حاجي ولي محمد لوبدلې یاد هدف د څلورو لوبغاړو په زیان پوره کړ او په شپږو ویکټو یې اتلولي خپله کړه.
