ارزګان؛ په چوره ولسوالۍ کې د ۱۱ لوبډلو ترمنځ د والیبال سیالۍ پای ته ورسېدې
د ارزګان ولایت د بدني روزنې او ورزش امریت اړوند د والیبال ملي فدراسیون د استازولي له لوري یاد ولایت په چوره ولسوالۍکې د ۱۱ لوبډلو ترمنځ د والیبال سیالۍ د قلعه راق لوبډلې په اتلولۍ پای ته ورسېدې.
د دغو سياليو په پايلوبه کې قلعه راق لوبډلې خپلې سيالې مرکزي لوبډلې ته د ۳/۲ ميدانونو په توپير سره ماتې ورکړه او اتلولي یې وګټله.
د يادو سياليو موخه د غوره لوبغاړو موندل و، چې۱۵ ورځې دوام وکړ.
