پکتیا؛ مرکز ګردېز ښار کې د ۲۰ لوبډلو ترمنځ د والیبال سیالۍ پیل شوې
د پکتیا ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت مرکز ګردېز ښار په نیستیکوټ سیمه کې د ۲۰ لوبډلو ترمنځ د والیبال سیالۍ پیل شوې.
د یادو سیالیو لومړۍ لوبه د نېستیکوټ او مهلن لوبډلو ترمنځ ترسره شوه، چې په پایله کې یې نيستیکوټ لوبډلې د درې په صفر میدانونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ د سیمې د خلکو لپاره د سالمې تفرېح برابرولو په موخه پیل شوي دي، چې لس ورځې به دوام وکړي.
