دایکندي؛ ګيتي ولسوالۍ کې د ۲۰ لوبډلو ترمنځ د فوټبال سيالۍ پای ته ورسېدې
د دايکندي ولايت د بدني روزنې او ورزش امريت اړوند د فوټبال ملي فدراسيون د استازولۍ له لوري د ياد ولايت په ګيتي ولسوالۍ کې د ( يووالي) جام په نوم د ۲۰ لوبډلو ترمنځ د فوټبال سيالۍ د وليعصر مدرسې لوبډلې په اتلولۍ پای ته ورسېدې.
د دغو سياليو په پايلوبه کې وليعصر مدرسې لوبډلې خپلې سیالې اميد رويان لوبډلې ته د ۵/۲ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټبال ورزش ته وده ورکول او د ځوانانو ترمنځ يووالی رامنځته کول و، چې درې اونۍ يې دوام وکړ.
د سياليو په پای کې غوره لوبډلې ته د اتلولۍ جام او غوره لوبغاړو ته بېلا بېلې ورزشي ډالۍ ورکړل شوې.
