بلخ ؛ مزار شريف ښار کې د ۱۰ لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش رياست اړوند د والیبال فدراسیون د استازولۍ له لوري د یاد ولایت په مزار شريف ښار کې د ۱۰ لوبډلو ترمنځ د والیبال سیالۍ د کام ايل لوبډلې په اتلولۍ پای ته ورسېدې.
د یادو سیالیو پایلوبه کې کام ايل لوبډلې د ۰/۳ میدانونو په توپیر خپلې سیالې چهاربولک لوبډلې ته ماتې ورکړه او د دغو سیالیو اتلولي یې وګټله.
يادې سیالۍ ورزش ته د ځوانانو د هڅونې او له نشه یي توکو څخه د ځوانانو د مخنيوي په موخه ترسره شوې، چې ۱۲ ورځې یې دوام وکړ.
