کندز؛ امام صاحب ولسوالۍ کې د ۴۸ ورزشکارانو ترمنځ د کورش سیالۍ ترسره شوې
د کندز ولایت د بدني روزنې او ورزش ریاست اړوند د کورش فدراسیون د استازولۍ او د امام صاحب ولسوالۍ ورزشي مدیریت له لوري د یاد ولایت په امام صاحب ولسوالۍ کې د ۴۸ ورزشکارانو ترمنځ د کورش سیالۍ ترسره شوې.
په دغو سیالیو کې ۲۴ لوبغاړو خپلو سیالانو ته ماتې ورکړې او ډالۍ یې ترلاسه کړې.
دا سیالۍ سیمه ییزو لوبو ته د ودې او د ځوانانو لپاره د سالمې تفرېح برابرولو په موخه ترسره شوې، چې یوه ورځ یې دوام وکړ.
