کاپیسا؛ مرکز محمود راقي ښار کې د ۲۰ ورزشکارانو ترمنځ د لاس چپه کولو سیالۍ ترسره شوې
د کاپیسا ولایت د بدني روزنې او ورزش امریت له لوري د یاد ولایت په مرکز محمود راقي ښار کې د مرکز او حصه اول ولسوالیو د ۲۰ ورزشکارانو ترمنځ د لاس چپه کولو سیالۍ ترسره شوې.
د دغو سیالیو په پایله کې له حصه اول ولسوالۍ مرید لومړی، له حصه اول ولسوالۍ محمد باعث دویم او له مرکز څخه کیهان درېیم مقام ترلاسه کړ.
د یادو سیالیو موخه په کاپيسا ولایت کې د ځوانانو ترمنځ د سیمه ییزو او دودیزو لوبو ته وده ورکول و، چې یوه ورځ یې دوام وکړ.
