پکتیکا؛ په ارګون ولسوالۍ کې د ۳۲ لوبډلو ترمنځ د فوټبال سیالۍ پای ته ورسېدې
د پکتیکا ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په ارګون ولسوالۍ کې د ۳۲ ب لوبډلو ترمنځ د فوټبال سیالۍ، چې یوه میاشت مخکې پیل شوې وې د ستاره های قلندري لوبډلې په اتلولۍ پای ته ورسېدې.
د یادو سیالیو پایلوبه د ستاره های قلندري او قلندري لوبډلو ترمنځ ترسره شوه، چې په ټاکلي وخت سیالۍ ۱-۱ مساوي پای ته ورسېده، خو په پنالټيانو کې ستاره های قلندري لوبډلې سیالې لوبډلې ته د ۴ پر ۳ ګولونو په توپیر ماتې ورکړه او اتلولي يې په خپل نوم کړه.
د ویلو ده، چې د دغو سیالیو موخه ورزش ته د ځوانانو هڅول او ترمنځ یې یووالی رامنځته کول وو او په پای کې اتلې لوبډلې ته د اتلولۍ جام او غوره لوبغاړو ته بېلابېلې چمتو شوې ورزشي ډالۍ ورکړل شوې.
