له بدخشان ولايت څخه په بايسکل راغلی ورزشکار وستايل شو
له بدخشان ولايت څخه کابل ته په بايسکل راغلی ورزشکار د المپيک، بدني روزنې او ورزش عمومي رييس مولوي احمدالله وثیق له لوري وستايل شو او يو عراده بايسکل يې ډالۍ ورکړ.
ښاغلي وثیق د ياد ورزشکار دغه کړنه وستايله او له هغه يې وغوښتل، چې نور هم په خپله برخه کې لا زيات کار وکړي او هيواد ته وياړونه ور وبښي.
هېره دې نه وي چې دغه ورزشکار حافظ ميرزايي نوميږي او له بدخشان څخه تر کابله پورې لاره يې په ۲۶ ساعتونو کې طی کړې وه.
