“بازارک رامک” د ده یک ولسوالۍ فوټبال غوره لیګ اتلولي وګټله
د غزني ولایت ده یک ولسوالۍ کې د څوالس لوبډلو ترمنځ د فوټبال غوره لیګ چې څلور میاشتې وړاندې پیل شوی و، د “بازارک رامک” په اتلولۍ او ”خراسان تاسن” لوبډلې د دويم مقام په ګټلو پای ته ورسېد.
د دې لیګ د پای په مراسمو کې د لومړي او دوهم مقام ګټونکو لوبډلو او همدارنګه د یاد لیګ غوره ګول ساتونکي ته د غزني د ورزشي امریت او فوټبال فدراسیون د مسؤلینو له لوري ډالۍ او ستاینلیکونه ورکړل شول.
د دې ولایت د ورزشي مسؤلینو په خبره د یادو لوبو موخه د دې ولسوالۍ د ورزشي لوبډلو د ظرفیت لوړل دي.
