کونړ کې د ۴۰ ورزشکارانو ترمنځ د کراټې سيالۍ وشوې
د کونړ ولايت د بدني روزنې او ورزش آمريت اړوند د کراټې فدراسيون د استازولۍ له لوري د ياد ولايت په مرکزي جمنازيوم کې د ۴۰ ورزشکارانو ترمنځ د کراټې دوستانه سيالۍ وشوې.
په يادو سياليو کې پر کونړ سربيره له ننگرهار ولايت کلبونو څخه ورزشکارانو هم گډون کړی وو، چې په پايله کې ۲۰ تنو خپلو سيالانو ته په ماتې ورکولو سره برياوې خپلې کړې.
د ويلو وړ ده، چې دغو سیالیو يوه ورځ دوام وکړ او په پای کې گټونکو ورزشکارانو ته ستاينليکونه او ورزشي ډالۍ ورکړل شوې.
