کونړ؛ څوکۍ ولسوالۍ کې د ۲۰ لوبډلو ترمنځ د ټېپ بال کرېکټ سیالۍ پیل شوې
د کونړ ولایت د بدني روزنې او ورزش آمریت اړوند د ټېپ بال کرېکټ فدراسیون د استازولي له لوري د یاد ولایت په څوکۍ ولسوالۍ کې د ۲۰ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د مسعود او خادیخېلو لوبډلو ترمنځ ترسره شوه. د لوبې پچه مسعود لوبډلې وګټله او لومړی یې د توپ وهنې پرېکړه وکړه، چې په ټاکلو اتو اورونو کې یې د خپلو درېیوو لوبغاړو په له لاسه ورکولو سره خپلې سیالې لوبډلې ته د ۱۲۴ منډو هدف وټاکه. خادیخېلو لوبډلې د هدف په تعقیب کې د شپږو لوبغاړو په له لاسه ورکولو سره په ټاکلو اورونو کې ۷۱ منډې وکړې او لوبه د ۵۲ منډو په توپیر د مسعود لوبډلې په بریا پای ته ورسېده.
دا سیالۍ د ځوانانو ترمنځ د یووالي د ټینګښت په موخه پیل شوي دي، چې ۱۵ ورځې به دوام وکړي.
