کونړ؛ څوکۍ ولسوالۍ کې د پنځو لوبډلو ترمنځ د ټېپ بال کرېکټ سیالۍ پای ته ورسېدې
د کونړ ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت په څوکۍ ولسوالۍ کې د پنځو لوبډلو ترمنځ د ټېپ بال کرېکټ سیالۍ د صفت الله لوبډلې په اتلولي پای ته ورسېدې.
د یادو سیالیو پایلوبه د صفت الله او شاکرالله لوبډلو ترمنځ ترسره شوه. د لوبې پچه شاکرالله لوبډلې وګټله او لومړی یې توپوهنه وکړه، چې په ټاکلو اتو اورونو کې یې د څلورو ویکټو په زیان خپلې سیالې لوبډلې ته د ۹۷ منډو هدف وټاکه. صفت الله لوبډلې ټاکلی هدف د لوبې په شپږم اور کې د دوو ویکټو په زیان ترلاسه کړ او د اتو ویکټو په توپیر یې د دغو سیالیو اتلولي وګټله.
دا سیالۍ د سیمې د ځوانانو لپاره د سالمې تفرېح برابرولو په موخه ترسره شوې، چې پنځه ورځې یې دوام وکړ.
