کونړ؛ څوکۍ ولسوالۍ کې د ٢٠ لوبډلو ترمنځ د ټېپ بال کرېکټ سیالۍ پای ته ورسېدې
د کونړ ولایت د بدني روزنې او ورزش آمریت اړوند د ټېپ بال کرېکټ فدراسیون د استازولي له لوري د ياد ولايت په څوکۍ ولسوالۍ کې د ٢٠ لوبډلو ترمنځ د ټېپ بال کرېکټ سیالۍ د څوکۍ کلپ لوبډلې په اتلولي پای ته ورسېدې.
د یادو سیالیو پایلوبه د څوکۍ کلپ او څوکۍ سپرغۍ لوبډلو ترمنځ ترسره شوه. د لوبې پچه څوکۍ کلپ لوبډلې وګټله او لومړی یې توپوهنه وکړه، چې په ټاکلو اتو اورونو کې یې د خپلو څلورو لوبغاړو په له لاسه ورکولو سره خپلې سیالې لوبډلې ته د ١١٥ منډو هدف وټاکه. څوکۍ سپرغۍ لوبډلې د هدف په تعقیب کې د خپلو اووه لوبغاړو په له لاسه ورکولو سره ١٠٠ منډې وکړې او د ١٤ منډو په توپیر یې لوبه وبایلله.
دا سیالۍ د ځوانانو ترمنځ د یووالي او د سالمې تفرېح د برابرولو په موخه ترسره شوې، چې یوه میاشت یې دوام وکړ.
