کونړ؛ په ناړۍ ولسوالۍ کې د ۲۰ لوبډلو ترمنځ د ټېپ بال کرکټ منتخبه سيالۍ پيل شوې
د کونړ ولايت د بدني روزنې او ورزش امريت په همکارۍ د ياد ولايت په ناړۍ ولسوالۍ ورزشي لوبغالي کې د ۲۰ لوبډلو ترمنځ د ټېپ بال کرکټ منتخبه سيالۍ د دوکلام افغان لوبډلې په بريا پيل شوې.
د يادو سياليو لومړۍ لوبه د دوکلام افغان او ناړۍ ستورو لوبډلو ترمنځ ترسره شوه، دوکلام افغان لوبډلې د لوبې پچې په گټلو سره په ټاکلو لسو اورونو کې د درېیو لوبغاړو په سوځېدو سره سیالې لوبډلې ته د ۱۴۷ منډو هدف کېښود، ناړۍ ستورو لوبډلې ياد هدف ترلاسه نه کړ او د ۳۷ منډو په توپير يې ماته ومنله.
د دغو سياليو د ترسره کېدو موخه د يادې ولسوالۍ منتخبې لوبډلې ته د غوره لوبغاړو ټاکل دي، چې شاوخوا ۲۰ ورځې به دوام وکړي.
