کونړ؛ په مرکز څاګي سيمه کې د ۱۶ لوبډلو ترمنځ د ټېپ بال کرکټ سيالۍ پای ته ورسېدې
د کونړ ولایت د بدني روزنې او ورزش آمریت په همکارۍ په څاګي سيمه کې د تنکیو ځونانو له لوري د ۱۶ لوبډلو
ترمنځ د ټیپ بال کرکټ سيالۍ پای ته ورسېدې.
د دغو سياليو پایلوبې ته ګیله من او دمکلی کوچنۍ ټایګر لوبډلې لار موندلې وه، لومړی توپوهنه دمکلی کوچنۍ ټایګر لوبډلې ترسره کړه او په ټاکلو شپږو اورونو کې يې سيالې لوبډلې ته د پنځو لوبغاړو په زيان ۷۶ منډې هدف کېښود، بل لوري ته ګيله من لوبډلې ياد هدف د درېوو لوبغاړو په زيان پوره کړ او سيالې لوبډلې ته يې په اووه ويکټو ماتې ورکړه.
د یادونې وړ ده چې دغو سياليو يوه مياشت دوام وکړ او په پای کې غوره لوبغاړو ته ورزشي ډالۍ ورکړل شوې.
