کونړ؛ وټه پور ولسوالۍ کې د شل لوبډلو ترمنځ د ټېپ بال کرېکټ سیالۍ پای ته ورسېدې
د کونړ ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت په وټه پور ولسوالۍ کې د شل لوبډلو ترمنځ د ټېپ بال کرېکټ سیالۍ د شعیب سالارزي لوبډلې په اتلولي پای ته ورسېدې.
د یادو سیالیو پایلوبه د عادل زي او شعیب سالارزي لوبډلو ترمنځ ترسره شوه. د لوبې پچه شعیب سالارزي لوبډلې وګټله او لومړی یې توپ وهنه وکړه، چې په ټاکلو لسو اورونو کې یې د درېیوو ویکټو په زیان خپلې سیالې لوبډلې ته د ١٣٩ منډو هدف وټاکه. عادل زي لوبډلې د هدف په تعقیب کې د دوو ویکټو په زیان ١٢٠ منډې منډې وکړې او لوبه یې د ١٨ منډو په توپیر وبایلله.
دا سیالۍ د ځوانانو لپاره د سالمې بوختیا په موخه ترسره شوې، چې یوه میاشت یې دوام وکړ.
