کونړ؛ مرکز اسعاد آباد ښار کې د ښوونځي د پنځو لوبډلو ترمنځ د ټېپ بال کرکټ سیالۍ پای ته ورسېدې
د کونړ ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د ياد ولايت مرکز اسعد آباد ښار په اسپل خصوصي ښوونځي کې د پنځو لوبډلو ترمنځ د ټېپ بال کرکټ سیالۍ د سجاد خان ماموند لوبډلې په اتلولي پای ته ورسېدې.
د یادو سیالیو پایلوبه د سجاد خان ماموند او واجد کاروان لوبډلو ترمنځ ترسره شوه. د لوبې پچه واجد کاروان لوبډلې وګټله او لومړی یې د توپ وهنې پرېکړه وکړه چې په ټاکلو پنځه اورونو کې یې د خپلو درېیوو لوبغاړو په له لاسه ورکولو سره خپلې سیالې لوبډلې ته د ٦٦ منډو هدف وټاکه. سجاد خان ماموند لوبډلې د خپلو څلورو لوبغاړو په له لاسه ورکولو سره ياد هدف پوره کړ او د شپږو ویکټو په توپیر یې د یادو سیالیو اتلولي وګټله.
یادې سیالۍ د زده کوونکو د جسمي وړتیا لوړولو او سالمې تفرېح په موخه ترسره شوې چې یوه اوونۍ يې دوام وکړ او په پای کې غوره لوبغاړو ته ستاینلیکونه او مډالونه ورکړل شول.
