کونړ؛ شلتن ولسوالۍ کې د ټېپ بال کریکټ سیالۍ د سيند غاړې لوبډلې په اتلولۍ پای ته ورسېدې
د کونړ ولايت د بدني روزنې او ورزش آمریت له لوري په شلتن ولسوالۍ کې د ۱۷ لوبډلو ترمنځ د ټېپ بال کریکټ سیالۍ، چې چې لس ورځې وړاندې پيل شوې وې د سيند غاړې ټېب بال کریکټ لوبډلې په اتلولۍ پای ته ورسېدې.
د دغو سیالیو پایلوبه د کربوړۍ او سیند غاړې لوبډلو ترمنځ ترسره شوه، چې کربوړۍ لوبډلې په ټاکلو لسو اورونو کې د شپږو لوبغاړو دلاسه ورکولو سره د ۸۹ منډو هدف وټاکه، په مقابل کې د سيند غاړې لوبډلې یاد هدف په اووم اور کې د څلورو لوبغاړو دلاسه ورکولو سره پوره او اتلولي يې خپله کړه.
