کونړ؛ د سیدجمال الدین پوهنتون د ټېپ بال کرکټ سیالۍ کمپیوټر ساینس پوهنځي وګټلې
د کونړ ولایت د ورزش امریت په مرسته د سیدجمال الدین پوهنتون د بېلابېلو پوهنځیو د ۲۴ لوبډلو ترمنځ د ټېپ بال کرکټ ټورنمنټ سیالۍ د کمپوټرساینس بي لوبډلې په کټه پای ته ورسېد.
دغو سیالیو چې ۱۲ ورځې یې دوام وکړ پايلوبې ته یې د زراعت اې او کمپوټرساینس بي لوبډلو لارموندله.
د زراعت اې لوبډلې د لوبې پچه وګټله چې په ټاکلو لسو اورونو کې یې د ۷ ویکټو په زیان ۹۶منډې وکړې په مقابل کې د کمپوټرساینس بې لوبډلې ورکړل شوی هدف د ۵ ویکټو په سوځېدو سره په ۷.۳ اورونو کې پوره کړ او لوبه یې وګتله.
په پای کې ګټونکې لوبډلې ته کپ او غوره ورزشکارانو ته ډالۍ هم ورکړل شوې.
