کونړ؛ خاص کونړ ولسوالۍ کې د ٣٠ لوبډلو ترمنځ د ټېپ بال کرکټ سیالۍ پای ته ورسېدې
د کونړ ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د ياد ولايت په خاص کونړ ولسوالۍ کې د ٣٠ لوبډلو ترمنځ د ټېپ بال کرکټ سیالۍ د حکيم آباد لوبډلې په اتلولي پای ته ورسېدې.
د یادو سیالیو پایلوبه د حکيم آباد او منګوال لوبډلو ترمنځ ترسره شوه. د لوبې پچه د حکيم آباد لوبډلې وګټله او په ټاکلو اتو اورونو کې یې د اووه لوبغاړو پهٔ له لاسه ورکولو سره خپلې سیالې لوبډلې ته د ٩٨ منډو هدف وټاکه. منګوال لوبډلې د هدف په تعقیب کې د لوبې پهٔ شپږم اور کې د خپلو ټولو لوبغاړو په له لاسه ورکولو سره ٦٨ منډې وکړې او لوبه یې د ٢٩ منډو په توپیر وبایلله.
دغو سیالیو یوه میاشت دوام وکړ او پهٔ پای کې غوره ورزش کارانو ته ورزشي ډالۍ ورکړل شوې.
