کونړ، په سرکاڼو ولسوالۍ کې د ۳۰ ورزشکارانو ترمنځ مختلفې دوديزې لوبې ترسره شوې
د کونړ ولايت د بدني روزنې او ورزش امريت له لوري، د سرکاڼو ولسوالۍ په پشد سيمه کې د ۳۰ ورزشکارانو ترمنځ د کوچني اختر په مناسبت دوديزې سيالۍ ترسره شوې.
هېره دې نه وي، چې په دغو سياليو کې تېږه اچونه، رسۍ کشونه، ځغاسته او يو شمېر جمناستيکي حرکتونه شامل او يوه ورځ يې دوام وکړ.
په پای کې غوره ورزشکارانو ته کپونه او مډالونه ورکړل شول.
