کندوز کې د اوو لوبډلو ترمنځ د فوټبال سیالۍ د موج های امو لوبډلې په اتلولۍ پای ته ورسېدې
د کندوز ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت په کلباد ولسوالۍ کې د اوو لوبډلو ترمنځ د فوټبال سیالۍ، چې لس ورځې مخکې پيل شوې وې، د موج های امو لوبډلې په اتلولۍ پای ته ورسېدې.
د دغو سیالیو په پایلوبه کې موج های امو لوبډلې خپلې سیالې شېران خراسان لوبډلې ته د ۲/۰ ګولونو په توپير ماتې ورکړه او اتلولي یې خپله کړه.
د یادو سیالیو موخه د فوټبال ورزش ته وده ورکول او د لوبغاړو ظرفیت لوړول و.
