کندوز؛ په امام صاحب ولسوالۍ کې د ۸۰ چاپندزانو ترمنځ د وزلوبې سيالۍ وشوې
د کندوز ولایت د بدني روزنې او ورزش ریاست اړوند د وزلوبې، نيزه وهنې او سيمه ييزو لوبو ملي فدراسیون د استازولۍ له لوري د امام صاحب ولسوالۍ په اسپند گزر ورزشي لوبغالي کې د ٨٠ چاپندزانو ترمنځ د وزلوبې سیالۍ وشوې.
د يادو سياليو په پايله کې د ميدان حکم له لوري يو اخراولاق اعلان شو، چې دغه اخراولاق نور علي پهلوان د اسدالله پر اس د حلالې تر دایرې ورساوه او د سياليو گټونکی شو.
د ويلو ده، چې د دغو سياليو موخه د راتلونکو لوبو لپاره د چاپندزانو لا ښه چمتووالی او د يادې ولسوالۍ وگړو لپاره د يوې سالمې تفريح برابرول و، چې يوه ورځ يې دوام وکړ.
