کندهار؛ په عينو مېنه ورزشي لوبغالي کې د فوټبال سيالۍ پای ته ورسېدې
د کندهار ولايت په مرکز عينو مېنه کې د ښادمن په نوم د فوټبال سياليو اتلولي، چې اتو لوبډلو پکې ګډون کړی و، الفت لوبډلې وګټله.
د دغو سياليو په پايلوبه کې الفت ځوانانو لوبډلې سليمي لوبډلې ته د لوبې له مساوي کېدو وروسته، په پینالټي شوټونو کې د ۳_۱ ګولونو په توپير ماتې ورکړه او اتلولي يې خپله کړه.
د دغو سياليو په پای کې غوره لوبډلو او لوبغاړو ته چمتو شوې ډالۍ ورکړل شوې.
