کندهار؛ د ۳۵ ورزشکارانو ترمنځ د پارکور سیالۍ ترسره شوې
د کندهار ولایت د ورزش ریاست په مرسته د پارکور فدراسیون استازولۍ له لوري د درېیو کلبونو ۳۵ ورزشکارانو ترمنځ د پارکور سیالۍ ترسره شوې.
په دغو سیالیو کې خراسان کلب، کندهار پارکور اکاډمي او فرانک پارکور کلبونو ورزشکارانو برخه لرله، چې د خراسان کلب لومړی، کندهار پارکور اکاډمي دویم او فرانک پارکور کلب درېیم مقام ترلاسه کړ.
د کندهار د پارکور فدراسیون مسئول استاد باز محمد مبارز وایې؛ “له یادو سیالیو څخه یې موخه د پارکور د دریو ګروپونو جوړول دي، چي هر ګروپ ته پنځه تنه ورزشکاران غوره کیږي، چې په راتلونکي کې به د جوړ شویو ګروپونو ورزشکاران بېلابېلو ولایتونو ته د سیالیو په موخه استول کیږي”.
یادو سیالیو چې یوه ورځ یې دوام وکړ په پای کې غوره ورزشکارانو ته کپونه هم ورکړل شول.
