کندز کې د ۸۵ چاپندازانو ترمنځ د وزلوبې سيالۍ ترسره شوې
د کندز ولايت د بدني روزنې او ورزش رياست اړوند د وزلوبې فدراسيون د استازولۍ له لوري د ياد ولايت په مرکز کې د ۸۵ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې د ميدان حکم له لوري دوه اخرالاقه اعلان شول، چې لومړی اخرالاق امان الله پهلوان او دويم اخرالاق بيا ذبيح الله پهلوان تر ټاکلې دايرې ورساوه او د ډاليو گټونکي شول.
د يادولو وړ ده، چې د دغو سياليو د ترسره کېدو موخه راتلونکو لوبو لپاره د چاپندازانو لا ښه چمتو والی وو، چې يوه ورځ يې دوام وکړ.
