کندز کې د ۷۵ چاپندازانو ترمنځ د وزلوبې سيالۍ ترسره شوې
د کندز ولايت د بدني روزنې او ورزش رياست اړوند د وزلوبې، نيزه وهنې او سيمه ييزو لوبو ملي فدراسيون د استازولي له لوري د ياد ولايت په مرکز کې د ۷۵ چاپندازانو ترمنځ د وزلوبې سيالۍ ترسره شوې.
د يادو سياليو په پايله کې د ميدان حکم له لوري دوه اخرالاقه اعلان شول، چې لومړی اخرالاق مولا گل پهلوان او دويم اخرالاق بيا اسماعيل پهلوان تر حلالې دايرې ورساوه او د سياليو گټونکي شول.
هېره دې نه وي، چې د دغو سياليو د ترسره کېدو موخه راتلونکو لوبو لپاره د چاپندازانو لا ښه چمتو والی وو، چې يوه ورځ يې دوام وکړ.
