کندز کې د ۷۰ پهلوانانو ترمنځ د کورش آزادې سيالۍ وشوې
د کندز ولایت د بدني روزنې او ورزش رياست اړوند د کورش فدراسيون د استازولۍ له لوري د ياد ولايت په مرکز سپين زر ورزشي لوبغالي کې د ۷۰ پهلوانانو ترمنځ د کورش آزادې سيالۍ وشوې.
يادې سيالۍ، چې يوه ورځ يې دوام وکړ، په پايله کې ۳۵ تنو پهلوانانو خپلو سيالانو ته په ماتې ورکولو سره برياوې خپلې کړې او د چمتو شويو ډاليو گټونکي شول.
د ويلو وړ ده، چې د دغو سیالیو موخه د پهلوانانو جسمي وړتياوو لوړول او د تاجيکستان هېواد په کورش سياليو کې د کندز پهلوانانو د لاسته راوړنو ستايل وو.
