کندز کې د ۴۷ ورزشکارانو ترمنځ د شمال ختیځ زون د بدن ښکلا او فټنس لومړی پړاو سیالۍ ترسره شوې
د کندز ولایت د بدني روزنې او ورزش ریاست اړوند د بدن ښکلا او فټنس فدراسیون د استازولي له لوري د کندز، بغلان او تخار ولایتونو د ۴۷ ورزشکارانو ترمنځ د شمال ختیځ زون د بدن ښکلا او فټنس لومړی پړاو سیالۍ ترسره شوې.
د دغو سیالیو په پای کې د کندز ولایت ورزشکارانو د ډېرو نمرو په ترلاسه کولو لومړی، بغلان دویم او تخار بیا درېیم مقام خپل کړ.
دا سیالۍ ورزش ته د ځوانانو د هڅولو او د ولایتونو د ورزشکارانو ترمنځ د یووالۍ د رامنځته کولو په موخه ترسره شوې، چې یوه ورځ یې دوام وکړ او په پای کې ورزشکارانو ته چمتو شوې ډالۍ ورکړل شوې.
