کندز کې د ۴۰ پهلوانانو ترمنځ د کورش سيالۍ وشوې
د کندز ولايت د بدني روزنې او ورزش رياست په همغږۍ، د سامبو کورش فدراسيون د استازولۍ له لوري د مرکز اړوند دورې ورزشي لوبغالي کې د ۴۰ پهلوانانو ترمنځ د کورش سيمه ييزې آزادې سيالۍ وشوې.
د يادو سياليو په پايله کې ۲۰ تنو پهلوانانو خپلو سيالانو ته په ماتې ورکولو سره برياوې خپلې کړې او د چمتو شويو ډاليو گټونکي شول.
دا سيالۍ د پهلوانانو د جمسي وړتياوو لوړولو او د ښاريانو لپاره د سالمې تفريح برابرولو په موخه وشوې، چې يوه ورځ يې دوام وکړ.
