کندز کې د ٧٥ ورزشکارانو ترمنځ د سیمه ییزې پهلواني سیالۍ ترسره شوې
د کندز ولایت د بدني روزنې او ورزش ریاست اړوند د کورش فدراسیون د استازولي له لوري د ياد ولايت مرکز اړوند سپین زر ورزشي لوبغالي کې د ٧٥ ورزشکارانو ترمنځ د سیمه ییزې پهلواني سیالۍ ترسره شوې.
د دغو سیالیو په پایله کې ٣٥ تنو خپلو سیالانو په ماتې ورکولو بریاوې خپلې کړې او د ډالیو ګټونکي شول.
يادې سیالۍ د ورزشکارانو د جسمي وړتیا لوړولو په موخه ترسره شوې، چې یوه ورځ یې دوام وکړ.
